ساندوتش كباب لذيذ بطريقتي الخاصة 😋 ❤

8:00 ص ايرزا 0 تعليقات

السلام عليكم ورحمة الله وبركاته
جالسه ساعة أفكر وش نسوي وكالعادة قلت يا بنت الفي بس طلعت الريحححة تجنن متى يذن بس




طريقة الدجاج:

دجاج مفروم  حطي عليه
- ملعقة قرفة
- وملعقة صغيرة ملح
- وملعقة صغيرة فلفل أسود
- ونص ملعقة صغيرة هيل
- وعلبة زبادي
اخلطيهم وشكليه على شكل مستطيلات وحطيه بمقلى على النار وبس.

الساندوتش: حطي عليه مايونيز
وقطعي الخس شرايح وحطي عليه ملعقتين كاتشب
وقطعي طماطم شرايح
وأقلي بطاطس وأحشيهم بالساندوتش

وبالعافية  .

0 التعليقات:

خلية الجبن بالكراميل والشوكولاتة بطريقتي الخاصة 💖

9:08 ص ايرزا 0 تعليقات

السلام عليكم ورحمة الله وبركاته
أخوي جالس يقول يبي يجرب شيء جديد فقلت ليش ما أجرب أحط أشياء ثانية على نفس الخلية وضبط الحمدلله 










الطريقة:

0 التعليقات:

طريقة بف باستري الشوكولاتة اللذيذة 💜

1:51 ص ايرزا 0 تعليقات

السلام عليكم ورحمة الله وبركاته
ملينا من طريقة البف باستري العادية اللي بالشيرة فقلت أجرب أحط أشياء ثانية وطلعع مررره لذذذيذ لا يفوتكم 😍❤❤

المقادير:

0 التعليقات:

ساندوتش كودو لذيذ وسريع بطريقتي الخاصة 😍

7:44 ص ايرزا 0 تعليقات

السلام عليكم ورحمة الله وبركاته
مرررررره هذا الساندوتش لذيييذ ريحته لحالها تذبح مررره حبيته 😍 من أكثر الأشياء اللي الفتها وأعجبت أهلي

*تحذير ترا لو سويتوه وخصوصا برمضان بتزيد أوزانكم أكلت منه مره كثير😢😍💔










الطريقة:

0 التعليقات:

ساندوتش بشانكي الدجاج اللذيذ💖

3:33 م ايرزا 0 تعليقات

السلام عليكم ورحمة الله وبركاته
الساندوتش هذا مرره سريع وسهل ينفع بعد للأيام اللي مالكم خلق تطبخون🌚






الطريقة:

- نقلي بطاطس + نقلي دجاج شانكي(ينباع كذا بس أنتي تقلينه) ونقطع الحبة لشريحتين عشان تدخل بالساندوتش.

- نقطع خس ونحط عليه ملعقتين التتبيلة الفرنسية هنا صورة التتبيلة.


- نسوي الصوص:

 ثلاث ملاعق كاتشب وملعقة مايونيز ونحطه على الساندوتش.

ونحشيهم بالخبز


هذي صورة شانكي الدجاج




وبالعافية 💕.

0 التعليقات:

حشوة لذيذة وسريعة للأقماع -بدون دجاج ولحم- وبدون نار 💖

9:49 ص ايرزا 0 تعليقات

السلام عليكم ورحمة الله وبركاته
أمس سوينا أقماع دجاج بس أخوي ما يأكل الدجاج فألفت هذي والحمدلله طلعت لذيذة وأعجبتهم 








الطريقة:

0 التعليقات:

ساندوتش سهل وسريع بالنقت والصوص اللذيذ 💖

4:55 م ايرزا 0 تعليقات

السلام عليكم ورحمة الله وبركاته
هذا ساندوتش سويناه أمس مررره سريع ينفع للأيام اللي مالكم خلق تطبخون فيها







أول شيء نقلي النقت ونقطع الحبه لـ 3 شرائح نفس الصورة




نسوي الصوص: 

ملعقتين شطة + ثلاث ملاعق كاتشب + ثلاث ملاعق تتبيلة فرنسية
ونخلطة مع النقت اللي قطعناه 

- نقدر ناكله كذا ونحط فوقه شوي حبة البركة.

- ونقدر نحشية بساندوتش مع بطاطس مقلي وخس مقطع شرايح نفس الصورة اللي فوق.



هذي صورة التتبيلة  الفرنسية طعمها يجنن

وبالعافية💕.

0 التعليقات:

مشترياتي من jeynnfer وH&M وbershka

8:39 ص ايرزا 0 تعليقات

السلام عليكم ورحمة الله وبركاته
الأسبوع اللي راح رحت السوق أدور شيء للعيد وللأسف ما لقيت أشياء حلوة  بس لقيت أشياء تنفع للجامعة  السوق مررره فاضي أول مره أروح وما القا أشياء كثيرة تعجبني


نبدأ مع أجمل شيء😍


هذا مرره حلو الشيء الوحيد اللي شفته وأعجبني😍😍
رنا تقول مب حلو 😳 مو من جدها والله مرره يجنن
سعره 199 ريال
أحسه بيطلع جميل مع بدي أبيض وتنورة سودا ولا تنورة بيج
ولا على فستان بيج


بصراحة ما أعجبتني مره أحسها عادية
بس بنات الجامعة طايحين فيها ذي الفترة + قماشها بارد ينفع لأجوائنا الباريسية 🌚 هذا اللي خلاني أشتريها
سعرها 189 ريال من بيرشكا


اايييه هذا ذوقي مره أحب ذا اللون حتى قماشها يجنن خامته حلوة وأحسها عملية بعد 😍
سعرها 99 ريال من جينيفر



من كثر ما خامتها عاجبتني أخذت ذا اللون مع أني ما أحب الزيتي سعرها نفس سعر أختها 


هذا البنطلون أخذته ل سوسو (ترا سوسو ولد بس أحب أناديه كذا🌚) ترا البنطلون صغير بس الصورة مبينته كبير مره سعره 99 من H&M 


جتى هذ بعد ل سوسو خامته مرره تجنن ترا مو جنز بس شكله يشبه الجنز
سعره 99 من H&M


اممم فيه أشياء شريتها غير قابلة للعرض 😂💔 وبس والله

0 التعليقات:

طريقة عجينة سهلة وسريعة

6:01 م ايرزا 0 تعليقات

السلام عليكم ورحمة الله وبركاته
هذي طريقة العجينة اللي معتمدينها ببيتنا لكل شيء مررره سهله

المقادير:

0 التعليقات:

طريقة سهله ولذيذة لصنع سينابون الشوكولاته أو سينابون التوفي |how to make cinnabon

5:10 م ايرزا 0 تعليقات

السلام عليكم ورحمة الله وبركاته
مررره لذيذة طريقة السينابون ذي لا تفوتكم  أحبها مررره جربوها وصدقوني وماراح تندمون❤❤


















الطريقة:


 تسوين العجينة الطريقة هنا

تفردين العجينة سمكها تقريبا 1 سانتي

وترشينها نسكويك مع سكر بني
(أو شوكولاته هرشي بودرة مع سكر بني بس نسكويك ألذ)

وتلفينها رول وتقطعينها حسب الحجم اللي تحبينه أنتي 

وتخلينها بالمقلى على الطاولة إلى أن تنتفش

بعدين تدخلينها بالفرن تحمرينها وتطلعينها وترشين عليها هيرشي سائل أو توفي
*طريقة التوفي:
علبة قشطة مع فنجال سكر وعلى النار حركيها إلى أن يصير لونها ذهبي وتصبينها على السينابون (التوفي ينفع تحطينه على أي شيء سينابون دونات وغيرها).

وبالنهاية رشي عليها أي نوع مكسرات كاجو لوز جوز فستق حنا حطينا عين الجمل

وبالعافية.

0 التعليقات:

ميني ساندوتش بالدجاج بخلطة ماما الخاصة💜

5:04 م ايرزا 0 تعليقات

السلام عليكم ورحمة الله وبركاته
ذا الساندوتش لازم نسوية كل رمضان لذيذ

الطريقة:

0 التعليقات:

طريقة أمي اللذيذة للدجاج بالفرن😋❤

6:37 م ايرزا 0 تعليقات

السلام عليكم ورحمة الله وبركاته
هذي طريقة دجاج ماما مررره شكلها يشهي أبلشتها عشان أصوره😍😂









صورة ثانية للدجاج 

0 التعليقات:

طريقة ماما اللذيذة في صنع خلية الجبن💕

11:46 ص ايرزا 0 تعليقات

السلام عليكم ورحمة الله وبركاته
هذي طريقة ماما لخلية الجبن لازم كل رمضان نسويها 💕 مره لذيذة




0 التعليقات:

السجادة المريحة | inovia tech sajjada

7:35 ص ايرزا 0 تعليقات

السلام عليكم ورحمة الله وبركاته
هذي سجادة داخلها إسفنج مره تنفع لو عندكم حرمة أو رجال كبير بالسن لو تجيبونها لهم وتأخذون أجر صلاتهم فيها ، أريح لهم من الأرض حتى سعرها رخيص ب 100 ريال بس شريتها من ساكو ، بس قهر اللون الأسود مخلص ما بقى إلا البيج والأحمر ، أخذت الأحمر أنا.


مميزاتها"مكتوبها على العلبة من ورا":

-تلتف حول أجزاء الجسم لتوزيع الضغط بشكل متساوي.
-السجادة تتضمن خلايا من الهواء مما يجعلها داعمة وطرية ومريحة ومتينة.
-أنها صنعت من مواد غير سامة وصديقة للبيئة.
-مزودة بطبقة إضافية تمنحك الراحة والدعم وبطبقة مبردة من الجل تقلل من شد الأعصاب.


عاد توي شاريتها ما يمديني أحكم عليها ، بس فيه شيء واحد ما أعجبني حسيتها شوي خشنة.

0 التعليقات:

طريقة سهله وسريعة ولذيذة لصنع سبرينق رول الدجاج💜

8:14 ص ايرزا 0 تعليقات

السلام عليكم ورحمة الله وبركاته
هذي طريقة السبرينق رول وكالعادة من أختراعي😎😂 بس ترا جد لذيذذذة مرررره😋💜💜


هذا الشكل النهائي

الطريقة:


أول شيء قطعت صدور الدجاج شرايح وحطيت عليه تقريباً ملعقة صغيرة ملح ورشة فلفل أسود وكمون وبودرة البصل   وبودرة الثوم وتقريباً ملعقتين صلصة الصويا الحلوة وعلبة زبادي 



كذا يصير سكله إذا خلصتو طابخينه


قطعت خس وحطيت معه ملعقة تتبيلة إيطالية


الصوص:
 حطيت ملعقة كاتشب وملعقة صلصة الصويا الحلوة 


حطيت الصوص على السبرينق رول


بعدين فوقه الخس والدجاج والبطاطس المقلي


طريقة تسكيرها للي ما يعرفون
تحطين الحشوة بشكل مايل شوي زي الصورة اللي فوق بعدين تسكرين الزاويتين على بعض وتلفينها بس👀 عاد يارب فهمتو عجزت أشرح💔

تقدرون تقلونها بزيت
وتقدرون تطبخونها بمقلى تيفال فوق النار بدون ولا نقطة زيت بس تجلس على النار دقيقتين تقريبا وأقلبيها على الجهة الثانية عشان تتحمر 

💜بس ترا الطريقة الثانية مررره الذ وتقرمش*

💕وبالعافية

0 التعليقات:

رأيي بكتاب: المرأة واللغة لعبدالله الغذامي

6:05 ص اي 0 تعليقات


السلام عليكم ورحمة الله وبركاته

كنت بالإنستقرام قبل فترة وبنت طايحة بهالكتاب مدح تقول حلو أنصحكم فيه 

المهم جلست اقرأه قريت تقريبا ٧٠ صفحة بعدين جلست أنطط فيه يمين يسار أبد ما عجبني🌝💔
ماحسيت فيه فايدة أبد مجرد نفس الكلام ينزاد وينعاد 
فكرة الكتاب بشكل عام أن المرأة تتبع الرجل وأن المرأة إذا بغت تستعمل اللغة أو تكتب لازم تسترجل
وأن كتابات مي زيادة وغادة السمان تؤيد كلامه 
المهم الكتاب ما أعجبني أحس هذي المواضيع ما منها فايدة لا تودي ولا تجيب.


 

0 التعليقات:

طريقة صنع برجر لحم لذيذ وشهي وطعيم وسبايسي بطريقة ايرزا الخاصة

4:51 ص ايرزا 2 تعليقات

السلام عليكم ورحمة الله وبركاته

قريب جابو لحم مفروم قلت ليش ما أسويه برجر والحمدلله طلع يجنن خلصوه على طول مع أني كنت مسوية كثييير😍 ، وكل يوم يقولون لي سويه مره ثانية❤





الطريقة:



لحم مفروم (أنا أستعملت لحم حاشي أنتم عادي أستعملو لحم غنم أو بقر)

بهارات (ملعقة صغيرة كمون وفلفل أسود وملح 
و نص ملعقة صغيرة بودرة ثوم + بودرة البصل)

صلصة الصويا الحلوة (تقريبا 3 ملاعق أو 4)

ملعقة بقسماط

ملعقتين كبار فلفل من الفلفل الهندي الحار أوموروك 😍 مرره لذيذ شكله يشبه عناقيد العنب.





نص بصلة نقطعها تقطيع صغير
ونخلطهم مع بعض كويس ونقليهم بزيت ومانحركة إلا بعد تقريبا 5 دقايق عشان يتماسك ولا يتفكك.


كذا يصير شكله بعد القلي لا تخلونه يطول عشان ما ييبس ويصير جاف





الصوص الأول:
الزيت (تقريبا 3 ملاعق أو 4)
ملعقة سكر بني
ملعقتين كاتشب
ملعقتين صلصة الصويا الحلوة
نص بصلة + فص ثوم مهروس

حركوه على النار الين يصير صوص ثقيل.
ذا الصوص مرررره لذذيييذ مررره لذيذ😍❤
بس مشكلته الزيت كثير💔.

المهم أدهنو الصوص هذا على خبز البرجر




نقطع خس ونخلطة مع الصوص الثاني:
ملعقة متبل بلوتشيز + ملعقة تتبيلة إيطالية + ملعقة مايونيز.





هذي صورة متبل بلوتشيز والتتبيلة الإيطالية




نحط الصوص الأول (الأحمر أو البني)
بعدين فوقه الخس

 بعدين فوقه شريحة طماطم بعدين فوقه اللحم بعد ماقليناه وبعدين فوقه شريحة جبن

وبالعافية💕.

2 التعليقات:

الاشتراك في: الرسائل (Atom)