بعض الصور من يومي الجميل مع روري بصيدلية وايتس + مشترياتي❤️
قبل كم يوم رحت مع روري نتمشى وشفنا صيدلية وايتس ودخلناها عاد أنا خلقه أموت بذي الصيدلية💕
صورت لكم بعض الأشياء بالصيدلية وبعض الأشياء اللي أشتريتها منهم💜
شوفو بالله مو كيوت😍 ❤️❤️❤️ كنت بشتريه بس نسيت💔 إن شاء الله برجع له بعدين وأخذه.
مدري وش فيها اليوم 😂😂💔 ياليتني ما نبهتها من وريتها الجهاز وهي مستحية😂😂 روري ذي تحفهأهم شيء لاتوقفين عندها عشان ما يحسبوننا مستحين ناخذ😂😂💔 طبعا ما وخرت بتلت عنده بس كذا 🌚💔
صوره أقرب للأشياء اللي ماتبيني أوقف جنبها😂😂😂💔
روري تقول تبي واحد من كاسات البزران عاد مدري صادقة ولا تستهبل😂😂💔 بصراحة ما أفرق بعض الأحيان بين جدها ومزحها🌚💔
تقول روري من جدهم الناس يخلون عيالهم يستعملون ذا الشيء😂😂💔 عاد تو تحدتني أحطه بالمدونه
شوفي أنا قد التحدي 😎 وكتبت بعد اسم المدونة ع الصورة بعد 😂😂 ومارح أحذفها😝
صورته أول شيء كذا بس مو مبين فصورته صور ثانيه وتحسفت أحذف ذي 😂💔
تدرون أني أبي هذي علبة ترفل من زماااان تقريبا من سنتين😂💔 ماصدقت القاها قالو بجرير وماقط شفتها وقالو بأجمل بس اذا إذا طلعت أنسى أروح له ولقيته مره بموقع ب٢٠٠﷼ 😳 وش ذا المبالغة بالسعر ترا سعرها الأصلي ٢٥﷼ بس
المهم مره فرحت يوم لقيتها هذي علبة تركبينها بزجاجة العطر وتبخين الين ماتمتلي وبكذا تاخذينها معك لكل مكان مره صغيرة وعملية💕.
مناكير ايسي عاد معروف مايحتاج😂بس مره فرحت يوم لقيتها لاني ابيها من زمان واذا رحت المولات ما القاه شكل البنات يخلصون كل شيء😒خلو لي بعض الأشياء مليت وأنا أطلب من المواقع ولا من التاجرات💔
المهم ترا الوانهم حلوه مره على الأظافر 😍حاولت اصوره كم مره بس ما بان اللون سعر الواحد ٤٢﷼
اللي فوق كحل أسود من برجوا مرررره يجنن سواده يذذذبح😍❤️❤️❤️❤️❤️ حتى ما يحسس العين❤️❤️❤️ مره حبيته
سعره ٣٧﷼😍
اللي تحت قلم حواجب من برجوا بعد بس ما حبيته أصلا أنا حواجبي حلوه خلقه ومرسومه بس تعرفون الانسان يطمع بالأفضل🌚، المهم مانسبني خلاص أخر مره افكر احط شيء بحواجبي ثاني محاولة فاشلة😂💔
بلشر من برجوا طلع سعر الواحد يوم شفت الفاتوره ٥٨ ﷼ مره رخيص بس ترا الوانهم تجنن ظالمهم التصوير 😍❤️.
نجي لأهم شيء❤️❤️ الشيء اللي خلاني أدخل وايتس أصلا😍❤️
هذا نفس الروج السحري تذكرونه ذاك الأخضر😂💔 بس الفرق أن هذا طبي ترا حتى الأصفر يخلي الشفايف وردية لاتتخيلون شفايفي صفراء ولا خضراء😂💔 يطول بالشفايف ١٢ ساعة مايبهت ولا يتشقق يجنن يجنننننننن أنصحكم فيه ترا أول واح باليسار قلوس بس حلو لونه بعد بس أنا ما أحب القلوسات ولا الأرواج الكريمية💔 بس ترا لونه حلو
سعره ب١٣٥﷼
**فيه معلومة ما كنت أدري عنها أو بالأصح ما أنتبهت لها أنك لازم تزيلين المكياج المقاوم للماء قبل ما تتوضين مثلاً لو مسكرا أو روج ما أنتبهت إلا يوم نبهتني وحده الله يسعدها**
وبينما أتمشى بالصيدلية وجدت هذا الشيء الجميل 😍❤️ صايره أشياء وايتس تجنن أحلى من المرات اللي قبل اللي رحت له
صوره من جوا
فير وستريتر صغير سعره ب٥٠٠ ﷼
بس الشين فيهم أني مالقيت عندهم غير هذا اللون بس يالله عادي😍❤️.
بخاخ يحمي الشعر من الحرارة من ترسمي سعر الواحد ٢٧ عاد أنا من زمان أبيه بس ما القاه بعد😍 إذا أعجبني بقولكم
هذا حمام زيت من فاتيكا أحب أخليه عندي عشان لو كنت مستعجله وما يمديني أزيت شعري
كريمات لشعر من لوريال إذا جربتهم وعجبوني بقولكم الواحد ب١٦﷼
وبس أتمنى لكم يوماً سعيداً كيومي هذا💕.
0 التعليقات: