حلى الأوريو أسهل وأسرع حلى بالتاريخ ب5 دقايق بس ومقاديره قليلة 💛

7:52 م ايرزا 0 تعليقات

السلام عليكم ورحمة الله وبركاته
مدري شفيني من ست شهور ماسويت حلى لا ويمكن أكثر ، وذا الأسبوع ذي 3 مره، إذا طحت بشيء أطيح فيه😂💔 المهم هذا الحلى مررره سهل وسريع ومقاديره قليلة بعد (أهم شيء بالحلى عشان تقل السعرات👀 وأكل بدون تأنيب ضمير) ااااه يازمن اللي أكب فيه وما أهتم بالسعرات💔

المقادير:
باكيت بسكويت شاي
علبتين قشطة
ظرف دريم ويب
6 جبن كيري
ربع أو نص علبة حليب المكثف المحلى
2 اوريو (أو إذا مالقيتو حطو بداله فليك أو جالكسي).

الطريقة:
•نحط الجبن كيري والدريم ويب  والحليب المكثف المحلى وملعقتين من القشطة والكريمة "اللي تكون جوا الأوريو" بالخلاط.
•بسكويت الشاي نطحنه ونخلطه مع الباقي من القشطة (علبة ونص تقريباً).
•نطحن الاوريو.
•بعدين بصحن الحلى أول شيء نحط البسكويت بعدين شوي من الأوريو المطحون بعدين من اللي سويناه بالخلاط "الجبن ووو" بعدين نحط فوق أوريو وبس بالعافية💕.