طريقة ساندوتش بكرات اللحم المفروم المليئة بالنكهات والجبن

10:24 ص ايرزا 0 تعليقات

السلام عليكم ورحمة الله وبركاته
هذي الساندوتش لها حكاية😂 رحت للمخبز القريب من بيتنا وما لقيت فيه إلا خبز صامولي، مخلص خبز البرقر الصغير 

فشريت الصامولي وقطعت أطرافه وخليته كأنه خبز البرقر الصغير أما اللي بالنص حطيت فيه النقانق اللي صورتها قبل 😂💔 يقولون الحاجة أم الاختراع

الطريقة:
لحم مفروم قطعت عليه بصلة صغيرة مع ملح وفلفل وبودرة الثوم وكمون وسويته دوائر صغيرة

شلت العجين اللي جوا الخبز  وخليته على قد حجم اللحم

وخلطت بصحن بيضة مع شوي بقدونس مع رشة ملح وفلفل أسود ودهنت فيه الخبز من جوا (بس شوي مسحه يعني)
بعدين فوقه شوي جبن تشيدر ودخلته الفرن لين تحمر الخبز وذاب الجبن شوي بعدين طلعته من الفرن وحطيت عليه صلصة الثوم(تقدرون تستغنون عن الصلصة مب لازم) بعدين اللحم وفوقها أي صوص أحمر بعدين فوق شوي موزريلا (أنا حطيت شوي جبن تقدرون تكثرون حسب الرغبة)

بالعافية💕.

طريقة ساندوتش النقانق اللذيذة والملغمة بالنكهات

1:54 م ايرزا 0 تعليقات

السلام عليكم ورحمة الله وبركاته
الساندوتش مره لذيذ مع أنه يأخذ شوي وقت 💖
لو كان الساندوتش أصغر بيصير شكله أحلى بس لأني استعملت ساندوتش كبير

الطريقة:
نحط نقانق بالمقلى مع نصف طماطم مقطعة ومع بصلة صغيرة مقطعة مع رشة فلفل أسود وملح
وعلبال ما تتحمر (تأخذ تقريباً 10 دقايق)

قطعت خبز الصامولي من فوق على قد حجم النقانق
|| 👉نفس الخطين ذولي
وخلطت بصحن بيضة مع شوي بقدونس مع رشة ملح وفلفل أسود ودهنت فيه الساندوتش (الفتحة اللي قطعناها) بس شوي مسحه يعني
بعدين فوقه شوي جبن موزريلا ودخلته الفرن لين تحمر الخبز شوي بعدين طلعته من الفرن وحطيت عليه شريحة جبن بعدين النقانق وفوقها أي صوص أحمر بعدين فوق شوي جبن موزريلا (أنا حطيت شوي جبن فوق تقدرون تكثرون حسب الرغبة)

بالعافية💕.