بيتزا لذيذة وسريعة بنص ساعة فقط😍
السلام عليكم ورحمة الله وبركاته
أمس قلت بسوي بيتزا ولأول مره بحياتي وضبطت😍 جداً لذيذة لا تفوتكم
حتى سريعة ماتأخذ من وقتك نص ساعة
طريقة العجينة:
كاس ماء ملعقتين كبار خميرة ربع كاس زيت ٣ ملاعق حليب بودرة رشة ملح وسكر كاسين ونص دقيق وممكن تزيدون دقيق إذا صارت تلصق باليد.
نفرد العجينه (نخليها سخيفه أو رفيعه) ونبططها بالشوكة عشان ماتنتفخ بعدين نحط ملعقة أو ملعقتين كاتشب على البيتزا بعدين جبن موزريلا وتشيدر شوي بس يغطيها من فوق ودخلتها الفرن من تحت ربع ساعة تقريبا على ٢٠٠درجة
وبما أنها بالفرن نجيب صدرين دجاج كبير نقطعه مكعبات صغيرة ونحط عليه بهارات بودرة ثوم وبابريكا وفلفل أسود وكمون وملح ونتركه يطبخ ونحركة الين مايستوي
ونضيفه على البيتزا(فوق الجبن) ونقطع خس تقطيع صغير ونحطه فوق الدجاج
أخر شيء نحط صوص حطيت أول شيء صلصة الصويا على كل البيتزتين بعدين بيتزا حطيت عليها ملعقتين الصلصة الفرنسية والبيتزا الثانية حطيت عليها ملعقة من تتبيلة ١٠٠٠ ايلاند ورشيت عليها شوي جبن موزريلا وتشيدر
ودخلتها شوي الفرن من فوق عشان تتحمر تقريبا خمس دقايق
وبالعافية 💕.
هذي صورة البيتزا اللي بالتتبيلة الفرنسية (بالغلط كثرت الصوص بس مازالت لذيذة)ا
والبيتزا اللي فوق بتتبيلة ايلاند
0 التعليقات: