طريقة صنع سمك ايرزا بالخضار +الرز البني بطريقتي الخاصة❤️
حنا بالبيت أكلنا أو بالأصح إذا طبخنا ما نحط كثير ملح أو زيت أو زبدة مررره شوي ما أقول أننا مانقلي إلا نقلي بس تقريبا مره كل أسبوعين فطبخنا أقرب لصحي 🌱
فدايم إذا شفت طبخات بالنت أنصدم بكمية الزيت اللي يحطونها أجل عشان أسوي رز صيادية أطبخه بكاس زيت
😱 والله ما أكله وأنا أدري فيه كل ذا، ماما تطبخ الرز بملعقة وحده زيت وأنا أطبخ الرز بدون زيت أصلاً
المهم من زمان كنت أنزل بمنتدى طبخنا ومررره أعجبهم والدعوات تقريبا وصلت ٥ صفحات مره فرحت بدعواتهم الله يسعدهم
وقد قالت لي خالتي نٓفٓسك بالطبخ حلو مدري وش معناها بس شكلها مدحه😂
فهذي الطبخه من أختراعي ومررره أعجبت أهلي وبما أنها من أختراعي سميتها باسمي😂
المقادير:
ملح
فلفل أسود
كمون
ثلاث أو أربع ملاعق خل
ثلاث أو أربع ملاعق صلصة الصويا الحلوة
ليمونتين
نص فلفلة رومية
ربع بصلة
طماطتين صغار
خمسة أو ست كوسة
وطبعا سمك
ومويا
الطريقة:
نقطع الخضار ونحطها مع السمك ونحط البهارات والصلصة الصويا والخل وحطيت عليهم تقريبا كاس مويا بصينية تيفال وغطيته بقصدير ودخلته جوا الفرن الين نضج تقريبا ساعة وثلث.
*ملاحظة:
إذا حسيتو ناقصه شوي طعم زيدو الملح وصلصة الصويا والخل.
طريقة الرز البني:
بس سلقته عادي وحطيت معه ملعقة صلصة الصويا وملعقة صلصة طماطم وملح وفلفل أسود وورقة غار.
0 التعليقات: